Heilt sidan eg etablerte ei enkel, statisk nettside her, har eg også vurdert behovet for ein kanal å sleppa ut små tekstar i, men eg tenkte at dette med blogging ikkje er noko ein driv med lenger, og det er nok i stor grad sant. Sidan sist eg var borti dette formatet har utviklinga gått via rosabloggar og sosiale medium til dagens påverkarar. Ofte handlar det om å skapa engasjement, byggja ein profil og tena pengar. Ikkje at eg er heilt uinteressert i desse tinga, men det motiverer meg lite. Snarare gjer det meg uroleg. Å skriva dagbok offentleg har eg derimot ikkje noko problem med, så det tenkjer eg å gjera.
Legg att eit svar